DIGALAS

DIGALAS

ERTDEDEN, BEK ERTDEDEN, KARAÇAY ELLENİ BİRİNDE BİR ÇAŞ BİR KIZNI BEK SÜYGENDİ, ALAY BİR BEK SÜYGENDİ Kİ, KAÇAN KIZNI KÖRSE TİLİ TUTULUP KALGANDI, TOYDA TOPLANTIDA NETİP KIZGA CUK AYTALMAGANDI, KIZNI MUNDAN HAPARI BOLMAGANDI.

KEÇE-KÜN KIZNI BİRÇİK KÖRALIRMAMI DEP DIGALAS ETİP, KIZNI TÖGEREGİNDE AYLANUVÇU BOLGANESE DE NETİP KIZGA KESİNİ ESGERTALMAGANDI.

GİNA BİR KÜN, NE BOLLUGESE DE DEP KIZNI ÜYÜNE CUVUGURAK BARIP KARASA, BİR DE NE KÖRSÜN, CAŞNI CÖNGERLERİNDEN BİRİ KIZGA KELEÇİ İYİP TURA. KESİ BOLUMSUZLUGUNA AÇUVLANGAN CAŞ, IZINA KAYTIP ÜYGE BARGANDI. ATASINI GÖROHU BILA KESİNİ URUGA DEP TÜŞÜNE TURGALLAY, ÜSÜNE ANASI KİRGENDİ. ANASI CAŞINI TIYGANDAN SORA, DERTİNİ ÜRENGENDİ, SORA DA HEM AÇUVLANGANDI HEM DE AYIPLAGANDI CAŞINI;

- ALLAH'DAN DA MI KORKMAYSA, ALLAH BERGEN CANINGA SENİÇA BİR KUL ÜÇÜN KALAY KIYASA, ALAY BEK ÖLÜRGE İZLEYESENG ASGERGE BAR, ECELİNG KELGENESE ALAYDA ŞEHİT BOLURSA, DEGENDİ.

CAŞ ASGERGE KETGENDİ, UZUN CILLA ASGERDE KALGANDI, ÜYLENGENDİ DE. CILLA SORA HOYUNA KELGENDİ, ANASI BILA HAL HATIR SORGANDAN SORA, SÜYGEN KIZINI SORGANDI, ANASI DA;

- SÜYGEN KIZING BAŞGA ELDEN BİRİ BİLE ÜYLENDİ. "CÖNGERİNG ONGA KELEÇİ İYDİ" DEP KESİNGİ KEREKSİZ KIYNAGANSA. AÇUVLANMAYIN, KESİNGİ ÖLTÜRÜGE ÇAPMAYIN SAKLAGAYEDİNG, BELKİ SANGA NASIP BOLLUGEDİ DEGENDİ.

CAŞ KIZNI KÖRÜRGE DEP OL TURGAN HOYGA BARGANDI, SUV BAŞINDA SUV ALATURUV KIZNI KÖRGENDİ, KESİNİ NETİP TIYALMAY KIZGA CÜREGİNDEGİLENİ AYTGANDAN SORA;

- MEN SENİ BEK SÜYGENEM, AMMA NASIP TÜLÜMÜŞ, SEN BOLMAY DÜNYANI TATUVU COKDU, SÜYGENÇE BOLMASA DA NÖGERÇE SÜY MENİ, KARNAŞÇA SÜY MENİ, DEGENDİ.

KIZ CAŞNI AYTGANLARINA BEK AÇUVLANGANDI;

- MENDEN HAPARSIZ MENİ BEK SÜYGENSE, ENDİ KELİP MENİ NEK TINÇLIKSIZ ETESE? MEN ERİMİ BEK SÜYEME, CAŞAVUM DA BEK İGİDİ, SABİYLERİM DE BARDI. BU ETGENİNG NE MÜSLÜMANLIKGA, NE KARAÇAY NAMISGA SIYINMAZ. KESİNGİ DA MENİ DA GÜNAHGA SUKMA, TAS BOL KET, BİR DAHA DA KÖZÜME KÖRÜNME, NE KARNAŞÇA NE DA BAŞGA TÜRLÜ SENİ SÜYALLIK TÜLME, ALLAH SENİ BİLGENİÇA ETSİN, DEP HINI HUNU ETGENDEN SORA SUV ÇELEKLERİNİ DE ALIP KETGENDİ. 

CAŞ, SUVNU BAŞINA OLTURUP, KIZNI ARTINDAN KARAP HEM CILAGANDI HEM DE MA BU CIRNI CIRLAGANDI: 

AYTALMASAM DA SANGA, DIGALAS VA ETEYEM

MEKTAPNI TUVRASINDA, TEREK BOLUP SAKLAYEM

KENGDEN KARAP ÜYÜNGE, MEN IZIMA KAYTEYEM

CETDİRSİNLE DEP SANGA, NÖGERLEGE AYTAYEM

***

ESLEMESENG DE MENİ, MEN VA AÇI SÜYGENEM

DÜNYA BILA AHRATDA, ÜYBİYÇEMÇA KÖRGENEM

HAY MARCA DEGEN KÜNÜNG, HIZIR KİBİK CETEREM

TÖZALMAGAN KÜNÜNGDE, TAS BOLUP DA KETEREM

***

NEK SÜYMEDİNG SEN MENİ, BAŞGASIN MI SÜYGENENG 

KÜN CARIGIM MEN SANGA, SEN ONGA MI KÜYGENENG

KARAP IŞARSANG MANGA, BOLUYEDİ DÜNYAM KENG

HAMAYILÇA BOYNUMDAT, TAS BOLGAN GÜMÜŞ KOLYENG

***

CÜREK SÖZÜNG BU MUDU, SÜYMEKLİKNİ KOY DEYSE

MEN DE ALLAH KULUMA, SIYIMI NEK TEPLEYSE

SÜYMEDİYESENG MENİ, MEN DE SÜYMEM ELEYSE

SEN DE MENİ SÜYDÜNG DE, KEÇ Mİ KALDIM OGESE ?

***

SÜYMEKLİKNİ KOYAREM, ARZ AYLANSA TERSİNE

SABİYÇİKÇE CILAYEM, SEN KELGELLEY ESİME

ÖLÜRGE İZLEGENEM, SENSİZ CAŞAVDAN ESE

ALLAH’DAN KORKTUM TEYRİ, KIYALMADIM KESİME.

***

BU CÜREK AVRUVUM DA, MENLE KELSİN KABIRGA

DÜNYADA CANGGANIMA, ŞAGAT BOLSUN AHIRDA

SENİ KIYNADIYESEM, ALLAH AÇISIN MANGA

MUNDAN ARI KIYNASAM, ÇIKMAY KALAYIM TANGA.

***

SAGIŞ ETME MENİ SEN, UNUT BOLALIYESE

TANGALASI UYANIP, “TÜŞ MÜ KÖRDÜM” DEGENÇE

OL ARUV SANLARINLA, OL NURLU TÜRSÜNÜNGLE

ALLAH SENİ ONGDURSUN, ÜYÜNG ÜYDEGİNG BİLE.

*********************************************

Mehmet KORKMAZOGLU, 2011