CÜREK SÜYSE, DÜNYA SIYLISI
Onu soralla manga, kimdi, bek mi aruvdu?
Cetmez aruvluguna, hiç bir söznü karuvu
Cabsa aruv çaçların, onu ol kök cavlugu
Ay’nı ontörtüçedi, aruv betini nuru
Süygen közle karasang, cürek avruv tabarsa
Kuru birçik ışarsa, közüng almay kararsa
Teşer teyri bavrungu, cüregile karasa
Körmey bir kün tözalsang, cannetlik va bolursa
Seni süyeme deseng, meni sınama deydi
Koyup kete tebreseng, kayrısa? dep iymeydi
Kallay bir tüz söleşseng, ters anglarga süyedi
Süymeyme dep de kördüm, öpgeleyt de ketedi
Kimdi ol, dep turmagız, sizde cokmudu cürek?
Cüregi bolgan caşga, cürek avruvu kerek
Kız süyse de aytalmaz, caşda da bolum kerek
Dünya bolum da bolsa, nasıp bolmay neterek
Oladan tolup turad, sav dünyanı cartısı
Ay ola kurumasın, kız tülmüdü barısı :)
Cürek süygen aruvdu, cokdu agı sarısı
Süymeseng kaysı da ov, birbirini aynısı
Anglataldım mı kimmiş, cüregimi sıylısı…
Mehmet KORKMAZOGLU, 11.01.2012
No comments:
Post a Comment