ATALA ÖLEMİDİ?
Közümden va ketmeydi, arbazda aylanganıng
Kulagımda sırgadı, ol manga aytganlarıng
“Tüz bol çaşım bügülme, uvalsa da sanlarıng
Allah Paygambar üçün feda bolsun ol canıng”
Atga minip birgeley, aruv bir caz kününde
Men a giçceçigedim, korka bolurem özge
“Hay Marca cigit caşım” deb a tüzelding colga
Ol toru tayım bıla cetişalmadım sanga
Cır ayta tebresen sen, sav elle de tınglayed
Acını cırın ayt deb anam seni koymayed
Kalay cengil ösdüm de, men kaçan ullu boldum
Şahar şahar aylandım, Kiliysa’dan tasboldum
Gurbetde köp aylandım, canıngda turalmadım
Sen bek cuvuk köllüyeng, seniça bolalmadım
Bir kış künüyed Atam, açı ayaz oramda
Telefonda eştim men bek açı kıçırıkla
Anam sarın saladı, “Caşım cet Atang ketti”
Sav sanlarım kıyıldı, betimi kanı ketti
İynanmadım tüzü men, Atala ölemidi ?
Ogese keçe kelip, bizleni köremidi ?
Endi kaydasa atam, men va tansık bolama
Kırk cılımda da bolsam, cıgık koşça turama
Ölgen künün söz berdim, men a kesi kesime
Kur’an okuy turrugem, sen kelgelley esime
Bir eki cıl okudum, kabul bolsun her keçe
Sora okuy turdum va bayrım keçeden keçe
Kölüme va cetmeydi sanga etalganlarım
Kalay asuvluyeding seniça bolalmadım.
MKO, 1 Ocak 2005
No comments:
Post a Comment